5 ನಿಮಿಷದಲ್ಲಿ 6 ರೂ.ಯಿಂದ 1000 ರೂ.ಗಳಿಗೆ ಜಗಿದ ಬ್ಯಾಂಕೆಕ್ಸ್ ‘ಪುಟ್ ‘

ಕೆಲ ಸಮಯದ ಹಿಂದೆ ಜಾರಿ ತಂದಿರುವ ಮುಕ್ತಾಯ ಹರಾಜು ಸಮಯ ( ಸಿಎಎಸ್) ಷೇರು ಮಾರುಕಟ್ಟೆಗಳಲ್ಲಿ ಹಲವಾರು ಅಚ್ಚರಿಯ ಬೆಳವಣಿಗೆಗಳಿಗೆ ಕಾರಣವಾಗುತ್ತಿದೆ. ಮುಖ್ಯವಾಗಿ ಈ ಅವಧಿಯಲ್ಲಿ ಇಂಡೆಕ್ಸ್‌ಗಳ ಸಿಇ ಹಾಗೂ ಪಿಇ ಗಳ ಏರಿಳಿತ ಭಾರಿ ಪ್ರಮಾಣದಲ್ಲಿ ಕಾಣುತ್ತಿದೆ.
ಗುರುವಾರದಂದು ಬ್ಯಾಂಕೆಕ್ಸ್‌ನ ಮಾಸಿಕ ಮುಕ್ತಾಯ ದಿನ.ಕೊನೆಯ ಕೆಲವೇ ನಿಮಿಷಗಳಲ್ಲಿ 65000ರ ಪಿಇ ( ಪುಟ್ ) 6ರೂ. ಯಿಂದ ಏಕಾಏಕಿ 1,000ಕ್ಕೆ ಏರಿತು. ಇದು ವಹಿವಾಟುದಾರರಲ್ಲಿ ಭಾರೀ ಪ್ರಮಾಣದ ಗೊಂದಲಕ್ಕೆ ಕಾರಣವಾಯಿತು.
ಹೊಸದಾಗಿ ಪರಿಚಯಿಸಲಾದ ಮುಕ್ತಾಯ ಹರಾಜು ಸಮಯ (ಸಿಎಎಸ್) ದಿಂದಾಗಿ ಬ್ಯಾಂಕೆಕ್ಸ್ ಪುಟ್ ಆಯ್ಕೆಗಳಲ್ಲಿ ಈ ಬೃತ್ ಜಿಗಿತ ಸಂಭವಿಸಿದೆ.
ಸಿಎಎಸ್ ಎಂಬುದು ನಿಯಮಿತ ವಹಿವಾಟು ಮುಗಿದ ನಂತರ ಮಧ್ಯಾಹ್ನ 3:15ರಿಂದ ಪ್ರಾರಂಭವಾಗುವ 20 ನಿಮಿಷಗಳ ಹರಾಜು ವಿಂಡೋ ಆಗಿದ್ದು, ಇದನ್ನು ಸ್ಟಾಕ್‌ಗಳ ಮುಕ್ತಾಯದ ಮಟ್ಟವನ್ನು ನಿರ್ಧರಿಸಲು ಬಳಸಲಾಗುತ್ತದೆ.
ಪ್ರಸ್ತುತ ಕಾರ್ಯವಿಧಾನದ ಅಡಿಯಲ್ಲಿ, ಮಧ್ಯಾಹ್ನ 3:15 ರಿಂದ 3:20ವರೆಗೆ ಆರ್ಡರ್‌ಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ. ಈ ಐದು ನಿಮಿಷಗಳನ್ನು ಉಲ್ಲೇಖ ಬೆಲೆಗಳನ್ನು ಲೆಕ್ಕಹಾಕಲು ಮತ್ತು ನಿರಂತರ ವ್ಯಾಪಾರದಿಂದ ಸಿಎಎಸ್‌ಗೆೆ ಪರಿವರ್ತನೆಗೊಳ್ಳಲು ಮೀಸಲಿಡಲಾಗಿದೆ.
ಆಗಸ್ಟ್ 3 ರಂದು ಜಾರಿಗೆ ಬಂದ ನಂತರ ಮೊದಲ ಕೆಲವು ಅವಧಿಗಳಲ್ಲಿ ಹೊಸ ಕಾರ್ಯವಿಧಾನವು ಮಾನದಂಡಗಳಾದ ನಿಫ್ಟಿ 50 ಮತ್ತು ಸೆನ್ಸೆಕ್ಸ್‌ನಲ್ಲಿ ತೀವ್ರ ಏರಿಳಿತಗಳಿಗೆ ಕಾರಣವಾಯಿತು

Share on Facebook