ಕೋಟಕ್ ಮಹೀಂದ್ರ ಬ್ಯಾಂಕ್ ಲಾಭ ಶೇ.18ರಷ್ಟು ಏರಿಕೆ

ಖಾಸಗಿ ರಂಗದಲ್ಲಿ ಮುಂಚೂಣಿಯಲ್ಲಿರುವ ಕೋಟಕ್ ಮಹೀಂದ್ರ ಬ್ಯಾಂಕ್ ಆರ್ಥಿಕ ವರ್ಷದ ಕೊನೆಯ ಅವಧಿಯಲ್ಲಿ 4133 ಕೋ.ರೂ. ಲಾಭ ದಾಖಲಿಸಿದೆ.
ಕಳೆದ ವರ್ಷ ಇದೇ ಅವಧಿಯಲ್ಲಿ ಬ್ಯಾಂಕ್ 3496 ಕೋ.ರೂ. ಲಾಭ ಪಡೆದಿದ್ದು , ಈ ಬಾರಿ ಲಾಭ ಶೇ.18ರಷ್ಟು ಏರಿಕೆ ಕಂಡಿದೆ.
ಹಿಂದಿನ ಸಾಲಿನಲ್ಲಿ ನಿವ್ವಳ ಬಡ್ಡಿ ಅದಾಯ 6103 ಕೋ.ರೂ.ಗಳಿದ್ದು , ಅದು ಈ ಬಾರಿ 6909 ಕೋ.ರೂ.ಗಳಾಗಿದ್ದು , ಶೇ.13ರಷ್ಟು ಹೆಚ್ಚಳವಾಗಿದೆ.
ಬ್ಯಾಂಕ್ ಕಳೆದ ವರ್ಷ 3.25 ಲಕ್ಷ ಕೋಟಿ ರೂ. ಸಾಲ ನೀಡಿದ್ದು , ಈ ಅವಧಿಯಲ್ಲಿ ಶೇ.20ರಷ್ಟು ಪ್ರಗತಿ ಸಾಧಿಸಿದ್ದು , 3.91 ಲಕ್ಷ ಕೋಟಿ ರೂ.ಗಳಿಗೆ ಏರಿದೆ.