ಅಧಿಕಾರ ಗುಂಪಿನ ಭಾಗವಾಗಿಲ್ಲ ಎಂದ ನಟ ಮೋಹನ್‌ಲಾಲ್

ಮಲಯಾಳಂ ಚಿತ್ರರಂಗದ ಯಾವುದೇ ಅಧಿಕಾರ ಗುಂಪಿನ ಭಾಗ ತಾನಾಗಿಲ್ಲ ,ಚಿತ್ರರಂಗದಲ್ಲಿ ಅಂತಹ ಅಧಿಕಾರ ಗುಂಪಿಗಳಿವೆ ಎನ್ನುವ ವಿಚಾರವೂ ತನಗೆ ತಿಳಿದಿಲ್ಲ ಎಂದು ನಟ ಮೋಹನ್‌ಲಾಲ್ ಶನಿವಾರ ಹೇಳಿದರು.
ಮಲಯಾಳಂ ಸಿನಿಮಾ ರಂಗ ಅತಿ ದೊಡ್ಡ ಉದ್ಯಮವಾಗಿದೆ. ಸಾವಿರಾರು ಕಲಾವಿದರು , ತಂತ್ರಜ್ಞರು ಕೆಲಸ ಮಾಡುತ್ತಿದ್ದಾರೆ. ಇಲ್ಲಿನ ಸಮಸ್ಯೆಗಳಿಗೆ ಕಲಾವಿದರ ಸಂಘ ಸ್ಪಂದಿಸಲು ಸಾಧ್ಯವಾಗಲಿಲ್ಲ ಎಂದು ಅವರು ವಿಷಾದಿಸಿದರು.
ಮಲಯಾಳಂ ಚಿತ್ರರಂಗದಲ್ಲಿ ಲೈಂಗಿಕ ಕಿರುಕುಳ ಆರೋಪಗಳು , ವಿವಾದ ಎದ್ದಿರುವ ಹಿನ್ನಲೆಯಲ್ಲಿ ಇದೇ ಮೊದಲ ಬಾರಿಗೆ ಮಾತನಾಡಿರುವ ಮೋಹನ್‌ಲಾಲ್, ಮೊನ್ನೆ ತನಕ ಮಲಯಾಳಂ ಚಿತ್ರ ಕಲಾವಿದರ ಸಂಘದ ಅಧ್ಯಕ್ಷರಾಗಿದ್ದರು. ಲೈಂಗಿಕ ಕಿರುಕುಳ ಕುರಿತಂತೆ ಚಿತ್ರನಟಿಯರಿಂದ ದೂರುಗಳು ದಾಖಲಾಗುತ್ತಿದ್ದಂತೆ , ಅಧ್ಯಕ್ಷ ಪದಕ್ಕೆ ರಾಜೀನಾಮೆ ನೀಡಿ , ಆಡಳಿತ ಸಮಿತಿಯನ್ನು ವಿಸರ್ಜಿಸಿದ್ದರು.
ಮಲಯಾಳಂ ಚಿತ್ರರಂಗದಲ್ಲಿ ಲೈಂಗಿಕ ಕಿರುಕುಳ ಕುರಿತಂತೆ ಜಸ್ಟಿಸ್ ಹೇಮ ಆಯೋಗ ಸಲ್ಲಿಸಿರುವ ವರದಿಯನ್ನು ಸ್ವಾಗತಿಸಿರುವ ಮೋಹನ್‌ಲಾಲ್ ಸರಕಾರ ಉತ್ತಮ ಕ್ರಮವನ್ನು ಕೈಗೊಂಡಿದ್ದಾರೆ ಎಂದು ಪ್ರಶಂಸಿದರು.