ಕೋಕೋ ಬೆಲೆ ಇನ್ನೂ ಏರುವ ಸಾಧ್ಯತೆ

ಕೋ ಕೋ ಬೆಲೆ ಸದ್ಯ ನಾಗಲೋಟದಲ್ಲಿದೆ.
ಇನ್ನೂ ದರ ಏರಿಕೆಯಾಗಲಿದೆಯೇ ಎನ್ನುವುದು ಸದ್ಯದ ಪ್ರಶ್ನೆ.
ಹಸಿ ಕೋಕೋ ೬೦ ರೂ. ಹೆಚ್ಚಿ ೨೩೦ ರೂ.ಗಳಾದರೆ , ಒಣ ಕೋ ಕೋ ೧೦೦ ರೂ. ಜಂಪ್ ಹೊಡೆದು ೬೫೦ ರೂ.ಗಳಿಗೇರಿದೆ.
ಈ ಓಟ ಮುಂದುವರಿಯಬಹುದೇ ಅಥವಾ ಇದು ತಾತ್ಕಾಲಿಕ ಏರಿಕೆಯೇ ?
ವಿಶ್ವ ಮಾರುಕಟ್ಟೆಯಲ್ಲಿನ ಬದಲಾವಣೆಗಳೇ ಇಂದಿನ ದರ ಏರಿಕೆಗೆ ಮುಖ್ಯ ಕಾರಣ.ಬ್ರೆಜಿಲ್ ಜಾಗತಿಕವಾಗಿ ಅತೀ ಹೆಚ್ಚು ಕಾಫಿ ಹಾಗೂ ಕೋ ಕೋ ಬೆಳೆಯುವ ರಾಷ್ಟ್ರ. ವೆಸ್ಟ್ ಇಂಡೀಸ್‌ನಲ್ಲೂ ಅಧಿಕ ಪ್ರಮಾಣದಲ್ಲಿ ಈ ಬೆಳೆಗಳನ್ನು ಬೆಳೆಯಲಾಗುತ್ತಿದೆ. ಈ ಎರಡು ರಾಷ್ಟ್ರಗಳಲ್ಲಿ ಇತ್ತೀಚಿಗೆ ಕಂಡ ಬಂದಿರುವ ಹವಾಮಾನ ವೈಪರೀತ್ಯದಿಂದಾಗಿ ಉತ್ಪಾದನೆ ತೀರಾ ಕುಸಿದಿದೆ. ಇದು ಜಾಗತಿಕ ಮಟ್ಟದಲ್ಲೂ ಬೆಲೆ ಮೇಲೆ ತೀರಾ ವ್ಯತಿರಿಕ್ತ ಪರಿಣಾಮಗಳನ್ನು ಬೀರಿದೆ.
ವಿಶ್ವದಲ್ಲಿ ಅತಿ ಹೆಚ್ಚು ಕಾಫಿ ಹಾಗೂ ಕೋಕೋ ಈ ಎರಡು ರಾಷ್ಟ್ರಗಳಿಂದ ರಫ್ತಾಗುತ್ತದೆ.
ಕೋ ಕೋ ಉತ್ಪಾದನೆ ಕೊರೆತೆಯಿಂದಾಗಿ ಇನ್ನೂ ಕೆಲ ದಿನಗಳ ಕಾಲ ದರ ಏರಿಕೆಯಲ್ಲಿರಬಹುದು ಎನ್ನುವುದು ತಜ್ಞರ ಅಭಿಪ್ರಾಯ.
ಹಾಗಾಗಿ ಕೋಕೋ ಬೆಳಗಾರರು ಅತಂಕ ಬಿಟ್ಟು ಇನ್ನೂ ಕೆಲ ದಿನಗಳ ಕಾಲ ನಿಟ್ಟುಸಿರು ಬಿಡಬಹುದು.