ಇಳಿಯುತ್ತಿದೆ ನಿರುದ್ಯೋಗ ಪ್ರಮಾಣ

ಭಾರತದ ನಿರುದ್ಯೋಗ ದರವು ಜುಲೈನಲ್ಲಿ ಮೂರು ತಿಂಗಳ ಕನಿಷ್ಠ ಮಟ್ಟ ಶೇ 5.2ಕ್ಕೆ ಇಳಿದಿದೆ. ಜೂನ್‌ನಲ್ಲಿ ಇದು 5.6 ಪ್ರತಿಶತದಷ್ಟಿತ್ತು.
ಆಗಸ್ಟ್ 18 ರಂದು ಬಿಡುಗಡೆಯಾದ ಅಧಿಕೃತ ಅಂಕಿಅಂಶಗಳ ಪ್ರಕಾರ, ಹಿಂದಿನ ತ್ರೈಮಾಸಿಕಕ್ಕಿಂತ ಇದು ಸುಧಾರಣೆಯನ್ನು ಕಂಡಿದೆ.ಆಗ ನಿರುದ್ಯೋಗ ದರವು 5.4 ಪ್ರತಿಶತದಷ್ಟಿತ್ತು.
ಜುಲೈನಲ್ಲಿ ಮಹಿಳಾ ನಿರುದ್ಯೋಗವು 5.1 ಪ್ರತಿಶತಕ್ಕೆ ಇಳಿದಿದೆ. ಮಹಿಳಾ ಕಾರ್ಮಿಕ ಬಲದ ಭಾಗವಹಿಸುವಿಕೆಯೂ ಬಲಗೊಂಡಿತು, ಜೂನ್‌ನಲ್ಲಿ ಇದು ಶೇ. 24.5ರಿಂದ ಶೇ. 25ಕ್ಕೆ ಏರಿ ಜುಲೈನಲ್ಲಿ 25.5 ಪ್ರತಿಶತವನ್ನು ತಲುಪಿತು.
ಸ್ವಯಂ ಉದ್ಯೋಗವು ಭಾರತದ ಕಾರ್ಮಿಕ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸುತ್ತಲೇ ಇದೆ, ಇದು ಒಟ್ಟು ಕಾರ್ಯಪಡೆಯ 54.4 ಪ್ರತಿಶತದಷ್ಟಿದೆ. ಈ ವಿಭಾಗದಲ್ಲಿ, ಕುಟುಂಬ ಕಾರ್ಮಿಕರ ಕೊಡುಗೆ ಸುಮಾರು ಕಾಲು ಭಾಗದಷ್ಟಿದ್ದಾರೆ.
ನಿಯಮಿತ ವೇತನ ಮತ್ತು ಸಂಬಳ ಪಡೆಯುವ ಕಾರ್ಮಿಕರು ಕಾರ್ಯಪಡೆಯ ಶೇಕಡಾ 25.5 ರಷ್ಟಿದ್ದರೆ, ಸಾಂದರ್ಭಿಕ ಕಾರ್ಮಿಕರು ಐದನೇ ಒಂದು ಭಾಗದಷ್ಟಿದ್ದಾರೆ.
ಕೃಷಿಯು ಅತಿದೊಡ್ಡ ಉದ್ಯೋಗದಾತರಾಗಿ ಉಳಿದಿದೆ. ಶೇ. 40 ರಷ್ಟು ಕಾರ್ಮಿಕರು ಈ ವಲಯದಲ್ಲಿ ತೊಡಗಿಸಿಕೊಂಡಿದ್ದಾರೆ. ಸೇವಾ ವಲಯವು ಸುಮಾರು ಮೂರನೇ ಒಂದು ಭಾಗದಷ್ಟು ಉದ್ಯೋಗಿಗಳನ್ನು ಹೊಂದಿದೆ.